नेपालमा एकै दिन तीनजना नयाँ कोरोना संक्रमित भेटिएका छन् । स्वास्थ्य मन्त्रालयका अनुसार संक्रमित दुईजना भारतबाट फर्किएका हुन् भने एकजना नेपालभित्र बस्दै आएकी हुन् ।
संक्रमितमध्ये मुम्बईबाट फर्किएका कैलालीका २१ वर्षीय पुरुष, उत्तराखण्डबाट फर्किएका कञ्चनपुरका ४१ वर्षीय पुरुष र कैलालीकै ३४ वर्षीय महिला हुन् । उनी यसअघि धनगढीमा भेटिएका कोरोना भाइरसका ३४ वर्षीय संक्रमितका आफन्त हुन् ।
नेपाल भित्रै बस्दै आएकोमा संक्रमण देखिएको यो पहिलो केस हो।यस अधि विदेशबाट नेपाल आएकामा मात्र संक्रमण देखिएको थियो।
योसँगै नेपालमा कोरोना भाइरसको संक्रमित संख्या नौ जना पुगेको छ । जसमध्ये आठजना उपचाररत छन् भने एकजना नीको भई घर फर्किइसकेका छन् ।
प्रतिक्रिया
सम्बन्धित समाचार
