लकडाउनका कारण काठमाण्डौमा अड्कीएका रसुवाको गोसाइँकुण्ड गाउँपालिकाका ६८ जनालाई जिल्ला ल्याइदै छ । उनीहरुलाई अनिवार्य क्वारेन्टाइनमा बस्ने सर्त सहित जिल्लामा ल्याउन लागिएको हो ।
गोसाइँकुण्ड गाउँपालिकाको वडा नम्बर २ बाहेकका वडाका १० जना बालबालिका, ३५ जना महिला र २३ जना पुरुष सहित ६८ जनालाई जिल्ला भित्राउन लागिएको गाउँपालिकाका अध्यक्ष कैसाङनुर्पू तामाङले बताए ।
विगत लामो समय देखि जारी गरिएको बन्दबन्दीमा परि काठमाण्डौमा बस्दै आएका यस गाउँपालिका अन्तर्गतका नागरिकहरुलाई गोसाइँकुण्ड गाउँपालिकाको पहलमा तोकिएको क्वारेन्टाईनमा बस्ने गरि दुई वटा बसमा उद्वार गरि अहिले ल्याइदैछ, उनले भने काठमाण्डौबाट गाडि हिडिसकेका छ, राति ११ बजे भित्रमा जिल्लामा आइसक्छन्, ।
उनीहरु शनिबार राती ११ बजे भित्रमा सदरमुकाम धुन्चे आइपुग्ने बताइएको छ । स्थानिय तहको पहलमा जिल्ला ल्याइएका उनीहरुलाई १४ दिनसम्म सदरमुकाम धुन्चेमा निर्माण गरिएको क्वारेन्टाइनमा राखिने बताइएको छ ।
क्वारेन्टाइनमा २ जना स्वास्थ्यकर्मी सहित सुरक्षाकर्मी खटाइएको छ । क्वारेन्टाइनमा बसेकाहरुलाई खाजा खाजाको व्यवस्था सम्बन्धित गाउँपालिकाले नै गर्ने बताइएको छ । उनीहरुलाई बिहान ८ बजे खाजा, मध्यान्न १२ बजे खाना, दिउँसो ४ बजे खाजा र बेलुकि ८ बजे खानाको व्यवस्था मिलाइएको गाउँपालिकाले जनाएको छ ।
