काठमाडौं । सरकारले स्थापना गरेको कोरोना कोषमा एलपि ग्यास उद्योग संघले १५ लाख रुपैया सहयोग गरेको छ । संघका अध्यक्ष गोकुल भण्डारीले आइतबार उद्योग ,वाणिज्य तथा आपूर्ति मन्त्री लेखराज भट्टलाई सो रकमको चेक हस्तान्तरण गरेका हुन् ।
सरकारले भाइरसका संक्रमितहरुको उपचार र राहत वितरणका लागि कोष खडा गरेको थियो । यस अघि नेपाल आयल निगमले कोषमा ५० करोड रुपैया सहयोग गरिसकेको छ ।
निगमका प्रवक्ता विनित मणी उपाध्यायले एक विज्ञप्ती जारी गरी संघले सरकारलाई गरेको सहयोग प्रति धन्यवाद दिएको छ । ‘निगम संघ आवद्ध भइ सरकारले बनाएको कोषमा सहयोग गरेकोमा धन्यपाद ज्ञापन गर्न गर्दछ’ विज्ञप्तीमा उल्लेख छ ।