काठमाडौँ — वाणिज्य आपूर्ति तथा उपभोक्ता हित संरक्षण विभागले भाटभटेनी सुपरमार्केटलाई ३ लाख रुपैयाँ जरिवाना गरेको छ । उपभोग्य सामानमा एमआरपी भन्दा बढी मूल्य लिएर बिक्री गरेको पाइएपछि सोमबार भाटभटेनी सुपरमार्केटलाईआर्थिक जरिवाना गरेरिएको हो ।
१ सय २० रुपैयाँ पर्ने लाखमरीलाई २ सय २० रुपैयाँमा बिक्री गरिरहेको भन्ने उजुरी परेका आधारमा भाटभटेनी सुपरमार्केटलाई कारवाही गरिएको हो।
अनुसन्धान गर्दा टंगाल स्थित भाटभटेनी स्टोरले बढी मूल्य लिएको पाइएको वाणिज्य विभागले जनाएको छ। बढी मूल्य लिइएको पाइएकाले उपभोक्ता संरक्षण ऐन २०७५ अनुसार ३ लाख जरिवाना गरिएको विभागको भनाई छ।