एजेन्सी । भारतमा खाना पकाउने एलपीजी ग्यासको भाउ घटेको छ । कोरोना भाइरसका कारण राहत दिन कम्पनीहरुले खाना पकाउने ग्यासको भाउ घटाएका हुन ।

राजधानी नयाँ दिल्लीमा खाना पकाउने ग्यासको भाउ प्रतिसलिण्डर १६२.५० भारु कटौति भएको फाइनान्सियल एक्सप्रेसले जनाएको छ । नयाँ मूल्यअनुसार भारतमा ग्यासको भाउ प्रतिसिलिण्डर ५१८ रुपैयाँ ५० पैसा भारुमा झरेको छ ।

यसअघि सिलिण्डरको मूल्य ७४४ भारु थियो । तेल बजारीकरण कम्पनीहरुले ग्याँसको भाउ घटाएका हुन । गत वर्षको अगस्टदेखि विश्वबजारमा ग्यासको भाउ बढेकोमा कोरोना महामारीले २ महिनायता भाउ घट्दै गएको छ ।