काठमाडौं । सरकारले एकतिहाइ कर्मचारी राखेर बैंक, बिमा र धितोपत्र बजार खोल्ने निर्णय गरेपछि आइतबारबाट सेयर बजार खुल्ने भएको छ । नेपाल स्टक एक्सचेन्जका प्रमुख कार्यकारी अधिकृत चन्द्रसिंह साउदले बिहीबार नेपाल धितोपत्र बोर्ड, सिडिएससँग छलफल गरेर सेयर बजार खुलाउने मोडालिटीका विषयमा छलफल गर्ने बताए ।

नेप्सेले यसअघि वैशाख २८ गतेदेखि सेयर बजार खुल्न सक्ने भन्दै आ–आफ्ना क्षेत्रबाट तयारी गर्न निर्देशन दिएको थियो । कोरोना संक्रमण फैलिन नदिन सरकारले लकडाउन घोषणा गरेसँगै सेयर बजार १० चैतदेखि बन्द छ ।