सोमवार, अशोज १०, २०७९

संसदको लोगो र सांसदहरुले प्रयोग गर्दै आएको लोगो परिवर्तन गर्ने कार्य व्यवस्था परामर्श समितिको निर्णय


  • माउन्टेन खबर
  • आइतवार, जेष्ठ ११, २०७७
  • 241
    SHARES

प्रतिनिधिसभा कार्यव्यवस्था परामर्श समिति बैठकले संघीय संसदको लोगो र सांसदहरुले प्रयोग गर्दै आएको लोगोलाई परिवर्तन गर्ने निर्णय गरेको छ । आइतबार सिंहदरबारमा बसेको बैठकले संसदको रोष्ट्रममा राखिएको लोगो र सांसदहरुले लगाउँदै आएको लोगो परिमार्जन गर्ने निर्णय कार्यान्वयनका लागि तत्काल प्रक्रिया अघि बढाउन संघीय संसद सचिवालयलाई निर्देशन पनि दिएको छ ।

बैठकमा संविधान संशोधनका लागि सबै राजनीतिक दलहरु एकजुट भएर अगाडी बढ्ने विषयमा पनि छलफल भएको छ । संसद सचिवालयका प्रवक्ता डा. रोजनाथ पाण्डेले राष्ट्रिय सहमतिका विषयमा सल्लाह गरेर अगाडी बढ्ने र कोरोना नियन्त्रणमा भएका कमजोरी सच्याएर प्रभावकारी ढंगले अगाडी बढ्ने विषयमा सभामुख मार्फत सरकारलाई सुझाव दिने विषयमा छलफल भएको बताउनुभयो । बैठकले नेपालको नयाँ नक्सा समेत समेटेर संसदको लोगो जारी गर्न सभामुखलाई सिफारिस गरिएको उहाँले बताउनुभयो । बैठकले बजेट विनियोजनपछि जेठ २६ गतेसम्मको संसदको कार्यक्रम पनि तय गरेको छ ।

प्रमुख प्रतिपक्षी दल नेपाली कांग्रेसका प्रमुख सचेतक बालकृष्ण खाँडले बजेटमाथिको छलफल र संसदको अन्य कार्यक्रमलाई छोटो बनाउने विषयमा छलफल भएको बताउनुभयो । सुरक्षीत र प्रकृयागत रुपमा संसदका कार्यक्रम सञ्चालन गरी अगाडी बढ्दै संविधान संशोधनका लागि सबै दलहरुसँग छलफल गरी सहमतिका लागि सरकारले पहल गर्न आग्रह गर्ने विषयमा पनि छलफल भएको बताउनुभयो ।

सरकारले नेपालको नयाँ नक्सा जारी गरेपछि निशान छापमा रहेको नक्सा परिवर्तन गर्न संविधान संशोधनको प्रस्ताव पेश गरेको छ । नेपाली भूमि लिम्पियाधुरा, लिपुलेक र कालापानी समेटेर सरकारले नयाँ नक्सा गरी गरिसकेको छ । यसअघि राष्ट्रियसभा कार्यव्यवस्था परामर्श समिति बैठकले पनि लोगो परिवर्तनको निर्णय गरेको थियो ।

प्रतिक्रिया
सम्बन्धित समाचार
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”

संञ्चालक : अनिता चापागाँई
सम्पादकअच्युत  रेग्मी
सम्वाददाता : अनिसा निरौला
सम्वाददाता : आषिश तामाङ

सम्वाददाता : सब्बु आचार्य
बजार व्यवस्थापक : क्रिशमान तामाङ