काठमाडौं । जलविद्युत आयोजनाहरूको माग बजेटमा पुरा नभएको भन्दै लगानीकर्ताले बिजुली उत्पादन सांकेतिक रुपमा बन्द गर्ने चेतावनी दिएका छन ।
स्वतन्त्र ऊर्जा उत्पादक संस्था (ईपान) ले मंगलबार प्रेस विज्ञप्ति जारी गरी सांकेतिक रुपमा आयोजनाबाट बिजुली उत्पादन बन्दको चेतावनी दिएको हो । माग पूरा नभए क्रमिक रुपमा विद्युत उत्पादन बन्द गर्ने समय बढाउदै जाने इपानले जानकारी दिएको छ ।
प्रधानमन्त्री, विभागीय मन्त्री, अर्थमन्त्री र विद्युत विकास विभागमा ज्ञापनपत्र बुझाउने निर्णय इपानले गरेको छ । सरकार आवद्ध र ठूला विदेशी लगानीका आयोजनाहरु बाहेक ५८० कम्पनीहरुसंग अनुमतिपत्र रहेको छन ।
ती आयोजनाहरुको २१ हजार ६१२ मेगावाट हालसम्म गरिएको लगानी सरकारसंग फिर्ता मागी आयोजनाहरु सरकारलाई नै फिर्ता गरी स्वदेशी निजी लगानीको विधिवत अन्त्य गर्ने निर्णयमा इपान पुगेको विज्ञप्तिमा उल्लेख छ ।
