बिहिबार, अशोज २०, २०७९

कर तिर्न ,उद्योग वाणिज्य महासंघले माग्यो असारसम्मको समय


  • माउन्टेन खबर
  • मङ्लबार, जेष्ठ २०, २०७७
  • 180
    SHARES

काठमाडौं । अर्थ मन्त्रालयले जेठ २५ गतेभित्र सबै कर भुक्तानी गर्न भनेपछि नेपाल उद्योग वाणिज्य महासंघले म्याद थप गर्न अनुरोध गरेको छ ।

महासंघले मंगलबार मन्त्रालयका राजश्वसचिव रामशरण पुडासैनीलाई पत्राचार गरी आयकर, मूल्य अभिवृद्धि कर (भ्याट) र अन्तशुल्क तिर्ने समय आगामी असार मसान्तसम्म थप्न अनुरोध गरेको छ ।

कोरोना भाइरस महामारी नियन्त्रणका लागि सरकारले जारी गरेको बन्दाबन्दी (लकडाउन) का कारण उद्योग व्यवसाय बन्द भइरहेकाले जेठ २५ गतेसम्म कर तिर्न नसक्ने जिकिर महासंघले गरेको छ । उद्योगी व्यवसायीले कर तिर्नका लागि अप्ठेरो अवस्था रहेको महासंघले जानकारी दिएको छ ।

आगामी आर्थिक वर्षको बजेटले समेत मुलुकको समग्र अर्थतन्त्रले भोगिरहेको कठिन चुनौतिलाई स्वीकार गरिसकेको जानकारी गराउँदै महासंघले कर तिर्ने समय बढाउन माग गरेको हो । यस्तै व्यवसायीको मनोवल उच्च राख्न महासंघले आग्रह गरेको छ ।

सरकारले सूचना प्रकाशित गरी जेठ २५ गतेभित्र सबै कर तिर्न अनुरोध गरेको थियो । निर्धारित समयभित्र कर नबुझाए दण्ड र जरिवाना लाग्ने आन्तरिक राजश्व विभागले जानकारी गराएको थियो । 

प्रतिक्रिया
सम्बन्धित समाचार
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”

संञ्चालक : अनिता चापागाँई
सम्पादकअच्युत  रेग्मी
सम्वाददाता : अनिसा निरौला
सम्वाददाता : आषिश तामाङ

सम्वाददाता : सब्बु आचार्य
बजार व्यवस्थापक : क्रिशमान तामाङ