काठमाडौ । चौतफी विरोध पछि अर्थमन्त्रालयले कर तिर्ने समय सार्ने भएको छ । लकडाउन कायमै रहेका बेला कर तिर्न सूचना प्रकाशित गरेपछि आलोचित बनेको अर्थ मन्त्रालयले मूल्य अभिवृद्धि कर, आयकर तथा अन्तशुल्क तिर्ने जेठ २५ गतेबाट सार्न लागेको छ ।
नेपाल उद्योग वाणिज्य महासंघका पदाधिकारीसँगको छलफलमा अर्थ सचिव शिशिरकुमार ढुङ्गाले कर तिर्ने जेठ २५ को समयसीमालाई पर सार्न आफूहरु तयार भएका हुन् ।
लकडाउन पछि आर्थिक गतिविधि ठप्प भएपछि सरकारलाई कर तिर्न नसकिने भन्दै बुधबार सरकारको चर्को आलोचना भएको थियो । त्यसपछि सरकार जेठ २५ को समयसीमा सार्न लागेको हो । अर्थले मिति पर सारे पनि कहिलेसम्म तिर्नेभन्ने मिति तोकेको छैन । यद्यपि, अहिलेको समयलाई पर सारिने भएको हो ।