काठमाडौं । आम माफी पाएका १ सय ५० जना नेपाली महिलाहरु काठमाडौं आइपुगेका छन् । उनीहरु आएको जहाज ११.३० मा त्रिभुवन अन्तर्राष्ट्रिय विमानस्थलमा अवतरण गरेको हो । उनीहरुको स्वास्थ्य जाँच पछि होल्डिङ सेन्टरमा राखिने र प्रदेशले आ–आफ्नो गाउँपालिकामा पठाउने छ ।
कुवेतबाट आएका मध्ये केही गर्भवती महिलाहरु समेत रहेका छन् । आजै गाउँमा फर्कन नसक्नेहरुलाई होटलमा राख्ने तयारी समेत भएको जनाएको छ । कुवेतबाट दोस्रो जहाज १ बजेर ३० मिनेटमा काठमाण्डौ आइपुग्ने त्रिभुवन विमानस्थलले जनाएको छ ।