- रसुवा,३ असोज।
पाँचौँ संविधान दिवसको अवसरमा शुभकामना दिदै सांसद मोहन आचार्यले अब देशलाई आर्थिक समृद्धि तर्फ अघि बढाउन र बिकास निर्माणको कार्यलाई तिब्रता दिन सबै राजनीतिक दलहरुबिचमा सहमती,सहकार्य र एकताको आवश्यकता रहेको बताउनु भएको छ।
नेपाली जनताको सात दशक लामो प्रयास पछि जनताद्धारा निर्वाचित जनप्रतिनिधी मार्फत संविधान निर्माण भएको आजको दिन आफैँमा ऐतिहासिक दिन रहेको सांसद आचार्यले उल्लेख गर्नु भएको छ।
नेपाली काँग्रेसका संस्थापक नेताहरु विश्वेश्वरप्रसाद कोइराला, गणेशमान सिंह, सुवर्णशमशेर राणा, कृष्णप्रसाद भट्टराईले देखेको संविधानको सपना १२ वर्ष सशस्त्र व्दन्दमा बसेको तत्कालिन माओवादीलाई गिरीजाप्रसाद कोइरालाले संविधानको बाटोमा ल्याएर सुशील कोइरालाको नेतृत्वमा निर्माण भएको वर्तमान संविधानको कार्यान्वयनमा सबै लाग्नु पर्ने भन्दै सांसद आचार्यले संविधानको जगमा बनेको मुलुकले तीन तहको सरकार लाई कृयाशिल बनाई आम नागरिकको मुहारमा खुशी ल्याउन सके मात्र संविधानको मर्म पुरा हुने उल्लेख गर्नु भएको छ।
पाँचौँ संविधान दिवसको अवसरमा सांसद आचार्यले स्वदेश तथा विदेशमा रहनुभएका सम्पूर्ण नेपाली दाजुभाई दिदिबहीनीहरुमा हार्दिक शुभकामना व्यक्त गर्न गर्नु भएको छ।
