काठमाडौ ,४ असोज।
नेपाल कम्युनिष्ट पार्टी (नेकपा)को सचिवालय बैठक पेरिसडाँडामा रहेको कार्यलयमा शुरु भएको छ । तत्कालीन नेकपा माओवादीको पार्टी केन्द्रीय कार्यालय पेरिस डाँडामा प्रधानमन्त्री केपी शर्मा ओली अर्का अध्यक्ष पुष्पकमल दाहाल सहित सचिवालय नौ सदस्यहरु बैठकमा सहभागी हुनु भएको छ ।
यसअघि प्रधानमन्त्रीको सरकारी निवास बालुवाटारमा बस्दै आएको सचिवालय बैठक पार्टी एकता भएको दुर्य बर्ष पछि पहिलो पटक पेरिसडाँडामा बसेको हो ।
अध्यक्ष ओली पहिलो पटक पेरिसडाँडा जानु भएको हो । बैठकमा भदौ २६ गते सम्पन्न पार्टी स्थायी कमिटीले गरेका निर्णयहरुलाई कार्यन्वयनमा लैजाने बारे छलफल हुने जनाईएको छ ।
स्थायी समितिले सरकार, पार्टी संगठन, पार्टीको महाधिवेशन, सीमा विवाद, मिलिनियम च्यालेन्ज कर्पोरेसन (एमससी), अध्यक्षद्वयको कार्यविभाजन लगायतका विषयमा निर्णय गरेको थियो।
