बुधबार, अशोज १९, २०७९

पुन:कर्जा

आवेदन दिने समय असोज मसान्तसम्म थप


  • माउन्टेन खबर
  • मङ्लबार, अशोज १३, २०७७
  • 224
    SHARES

काठमाडौं, १३ असोज । नेपाल राष्ट्र बैंकले मौद्रिक नीतिमा व्यवस्था भए अनुसार पुन:कर्जाका लागि वाणिज्य बैंक, विकास बैंक र वित्त कम्पनीले एकमुष्ट पुनकर्जाका लागि आवेदन दिने अवधि थप गरेर असोज मसान्तसम्म पु-याएको छ । केन्द्रीय बैंकले भदौ १ मा आवेदन आह्वान गरी असोज १४ सम्मको समयसीमा दिएको थियो । तर कोभिड–१९ का कारण उत्पन्न असहज परिस्थितिले यस्तो पुनकर्जा माग गर्ने अवधि असोज मसान्तसम्म लम्ब्याइएको नेपाल राष्ट्र बैंकले जनाएको छ ।

यस्तो पुनकर्जा सुविधा एकमुष्ट प्रदान हुनेछ । राष्ट्र बैंकले एकमुष्ट रुपमा प्रदान हुने लघु, घरेलु तथा साना उद्यम पुनकर्जा तथा विशेष पुनकर्जाका लागि आह्वान माग गरेको हो । मौद्रिक नीति २०७७–७८ मा एक ऋणीलाई ५ करोडसम्मको पुनकर्जा सुविधा ५ प्रतिशत ब्याजदरमा उपलब्ध गराउने उल्लेख छ । यस्तो पुनकर्जा सुविधा पर्यटन लगायत अति प्रभावित क्षेत्र र औद्योगिक क्षेत्र, शैक्षिक प्रतिष्ठान, निर्माण तथा निर्माण सामग्री उद्योग, यातायात, अस्पताल, उर्जा तथा खानी लगायत मध्यम प्रभावित क्षेत्रका लागि उपलब्ध गराउने राष्ट्र बैंकले उल्लेख गरेको छ ।

पुनकर्जाका लागि आवेदन दर्ता गर्दा नेपाल राष्ट्र बैंक, पुनकर्जा कार्यविधि, २०७७ अनुसूची १ बमोजिमको ढाँचाको आवेदन पेश गर्नुपर्नेछ भने बैंक तथा वित्तिय संस्थाको सञ्चालक समितिको निर्णय समेत संलग्न हुनुपर्छ । पुनकर्जा सुविधाका लागि आवेदन दिदाँ शाखा कार्यालयहरुको ठेगाना र सञ्चालन मिति समेत उल्लेख गर्नुपर्ने व्यवस्था छ ।

पुनकर्जा सुविधा दिदाँ राष्ट्र बैंकले सम्बन्धित बैंक तथा वित्तिय संस्थाको प्राथमिक पुँजीको २५ प्रतिशतसम्म उपलब्ध गराउनेछ भने आवेदनका लागि छनौट भएका कर्जाको भुक्तानी अवधि न्यूनतम १ वर्ष बाँकी रहेको हुनुपर्ने उल्लेख छ । एकभन्दा बढी संस्थामार्फत् कर्जा उपभोग गरेका ऋणीको हकमा एक बैंक तथा वित्तिय संस्थामार्फत्मात्र आवेदन भएको सुनिश्चित हुनुपर्नेछ ।

पुनकर्जाका लागि आवेदन गरिएको रकममध्ये ७० प्रतिशत लघु, घरेलु तथा साना उद्यम पुनकर्जा अन्तर्गत हुनेगरी माग गर्नुपर्ने शर्त छ । आवेदनका लागि कर्जा छनौट गर्दा प्रत्येक शाखाबाट न्यूनतम ५ ओटा ऋणी समेटीएको हुनुपर्नेछ भने राष्ट्र बैंकले तोकेको पुँजीकोष पुग्ने बैंक तथा वित्तिय संस्थाले मात्र यसमा आवेदन दिन सक्नेछन् । ऋणीहरुको हकमा भने उनीहरुले आफूले सेवा लिइरहेको र पायक पर्ने शाखाबाट पुकर्जा सुविधाका लागि निवेदन दिन सक्नेछन् ।

प्रतिक्रिया
सम्बन्धित समाचार
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”

संञ्चालक : अनिता चापागाँई
सम्पादकअच्युत  रेग्मी
सम्वाददाता : अनिसा निरौला
सम्वाददाता : आषिश तामाङ

सम्वाददाता : सब्बु आचार्य
बजार व्यवस्थापक : क्रिशमान तामाङ