१३ पुस, काठमाडौं । नेपाली कांग्रेसले आज संसद विघटनको विरोधमा देशभर विरोध प्रदर्शन गर्ने भएको छ । काठमाडौंमा दिउँसो एक बजे देखि प्रदर्शन हुनेभएको छ ।

आन्दोलन काठमाडौंका १० वटै निर्वाचनमा क्षेत्रमा एउटै समयमा दिउँसो १ बजे प्रदर्शन हुने र त्यसलाई सम्बन्धित निर्वाचन क्षेत्रका नेता, केन्द्रीय सदस्य र अगुवा नेताहरुले सम्बोधन गर्ने कार्यक्रम रहेको छ।

कांग्रेसले काठमाडौंमा रहने सबैलाई आफूलाई पायक पर्ने ठाउँमा उपस्थित भएर सरकारको विरोध प्रदर्शनमा सहभागी भइदिन अपिलसमेत गरेको छ ।