१३ पुस ,काठमाडौं। संसदविघटनको विरुद्धमा आज देशव्यापी आन्दोलनमा रहेको नेपाली कांग्रेसका केन्द्रीय नेता डाक्टर शेखर कोइरालाले संसद विघटन हुनुमा प्रधानमन्त्री ओली मात्रै दोषी नभएको बताउनुभएको छ ।
आज गरिएको आन्दोलनमा विराटनगरको विरोधसभालाई सम्बोधन गर्दै डाक्टर कोइरालाले प्रधानमन्त्रीको असंवैधानिक कदममा प्रचण्ड र माधव नेपालको पनि उत्तिकै हात रहेको बताउनुभएको हो ।
सर्वोच्चले निर्वाचन हुने भनि फैसला गरेपनि जालझेल गरेरै भएपनि चुनाव कुनै पनि हालतमा हुन उहाँले दावी गर्नुभयो । उहाँले भन्नुभयो, ‘सर्वोच्चबाट निर्वाचनको पक्षमा फैसला आए पनि निर्धारित मितिमा चुनाव हुँदैन । त्यसैले काङ्ग्रेसको निरन्तर खबरदारी जरुरी छ ।’
त्यस्तै विराटनगरको महेन्द्र चोकमा भएको सभामा सम्बोधन गर्दै प्रदेश १ का प्रमुख सचेतक केदार कार्कीले चुनाव हारेका नारायणकाजी र वामदेवलाई राष्ट्रियसभामा लाने प्रचण्ड र माधव नेपालनै भएको भन्दै केपी ओलीको साथसाथै उनीहरुको पनि काङ्ग्रेसले विरोध गर्नुपर्ने बताउनुभयो।
