२८ पुस, कास्की । नेपाल कम्युनिष्ट पार्टी नेकपा प्रचण्ड-नेपाल पक्षका अध्यक्ष पुष्पकमल दाहाल प्रचण्डले नेपाल कम्युनिष्ट पार्टी नेकपा र सूर्य चुनाव चिन्ह आफूहरूले पाउने बताउनुभएको छ।
मंगलबार पोखरामा आयोजित गण्डकी प्रदेशस्तरीय भेलालाई सम्बोधन गर्दै प्रचण्डले सुर्य चिन्ह र नेकपा पार्टी आफ्नै पक्षमा आउने विश्वास दिलाउनुभयो।
५० प्रतिशत केन्द्रीय सदस्य हुनेले नाम र चिन्ह पाउने भए पनि आफूहरूसँग ७० प्रतिशत केन्द्रीय सदस्य रहेको दाबी गर्दै सोमबार निर्वाचन आयोग गएर आएपछि थप प्रष्ट भइसकेको पनि उहाँले बताउनुभयो।
उहाँले भन्नुभयो,‘नाम र चिन्ह हाम्रो हुन्छ। नेकपा र सूर्य चिन्ह हाम्रै हो,’ उहाँले भन्नुभयो, ‘यसमा कुनै द्विविधा राख्नु पर्नेछैन।’
पार्टीभित्रको अन्तरविवादले प्रतिनिधि सभा भंग गर्न नहुने भन्दै प्रधानमन्त्री केपी शर्मा ओलीको कदमलाई असंवैधानिक भएको बताउनुभएको छ।
