४ असोज, काठमाडौं । बीसौं पटक आमरण अनसनमा बसेका डा. गोविन्द केसीका प्रतिनिधि र सरकारी प्रतिनिधिबीच वार्ता शुरु भएको छ ।
वार्ता प्रधानमन्त्री तथा मन्त्रिपरिषद कार्यालय सिंहदरबारमा भइरहेको हो । सरकारका तर्फबाट प्रधानमन्त्री कार्यालयका सचिव डा. रामप्रसाद घिमिरे, स्वास्थ्य सचिव डा. रोशन पोखरेल र शिक्षा सचिव रामकृष्ण सुवेदी रहेका छन् ।
नेपाल चिकित्सक संघका तर्फबाट डा. अनिलविक्रम कार्की रहेका छन् । त्यस्तै डा. केसीका तर्फबाट डा. जीवन क्षेत्री, डा. लिजन महर्जन, प्रितम केसी र ओमप्रकाश अर्याल तथा डा. विष्णु पोखरेल रहेका छन् ।
यसअघि सोमबार अनौपचारिक छलफल भएको थियो । चिकित्सा शिक्षा सुधारका माग राख्दै डा. केसी बीसौं पटक धनगढीमा गत नौ दिनदेखि अनसन बसिरहेका छन् ।
प्रतिक्रिया
सम्बन्धित समाचार
