काठमाडौँ, ७ असोज । तनहुँका युवामाझ लोकप्रिय रहेका काँग्रेसका महाधिवेशन प्रतिनिधी चाम थापाले तनहुँ क्षेत्र नं २ प्रदेश (ख) बाट चुनावमा टिकट पाउने सम्भावना रहेको छ ।
अधिकांश समय जिल्लामा रहेर सामाजिक सेवामा क्रियाशिल थापा मंसीर ४ गते हुन लागेको प्रतिनिधी सभा तथा प्रदेशसभा निर्वाचनमा टिकट पाउने सम्भावना रहेको छ ।
देशभर स्वतन्त्र युवाहरु निर्वाचनमा उम्मेदवार बनेसँग तनहुँमा पनि युवालाई निर्वाचनमा सहभागी गराउनुपर्ने आवाज उठ्न थालेसँगै युवा नेता थापाको टिकट पाउने सम्भावना बढेर गएको हो ।
तनहुँको विकासमा लामो समयदेखि क्रियाशिल थापा तनहुँ क्षेत्र नं २ मा लोकप्रिय युवा नेताका रुपमा परिचित छन् । सोही क्षेत्रमा मगर समूदायको राम्रो बाहुल्यता रहेसँगै काँग्रेसभित्र थापामगरलाई उम्मेदवार बनाउनुपर्ने दवाव पार्टी नेतृत्वलाई तनहुँ काँग्रेसीहरुले दिएका छन् ।
नेपाली काँग्रेसको केन्द्रीय नेतृत्वमा सँधै अगाडि रहेको तनहुँका नेताहरुले चाम थापालाई उम्मेद्वारका रुपमा प्रस्तुत गर्दा तनहुँ काँग्रेसका सभापति जीतप्रकाश आले तथा पूर्वसांसद झुलबहादुर आलेलगायतले थापालाई समर्थन गर्ने बताउँदै आएका छन् ।
