काठमाडौं, ९ असोज
नाडा इभी अटो सोमा राखिएका विद्युतीय दुई पाङ्ग्रे सवारी साधनको मूल्य सर्वसाधरणको पहँुच भन्दा बाहिर रहेको अवलोकनकर्ताहरुले गुनासो गरेका छन् ।

नाडा अटोमोबाइल एशोसिएशन अफ नेपालले विद्युतीय सवारी साधनको प्रयोग बढाउनका लागि पहिलोपटक नेपालमा इभी अटो शो आयोजना गरेकोमा अवलोकन कर्ताहरुले भने सर्वसाधरणको पहँुच भन्दा बाहिर विद्युतीय दुई पाङ्ग्रे सवारी साधनको मूल्य रहेको गुनाोि गरेका हुन् ।

शो विद्युतीय सवारी साधन सर्वसाधारणको पहुँचमा पु¥याउने र पेट्रोलियम सवारी साधनलाई विद्युतीय सवारीमा प्रतिस्थापन गर्ने उदेश्य भएपनि सार्वसाधरणको पहुँच भन्दा माथि मूल्य भएको सर्वसाधरणले गुनासो गरेका छन् । शो अवलोकन गर्न आउने सर्वसाधरणहरुले प्रदूषण कम गर्न र पेट्रोलिय पदार्थको विकल्प खोज्नुपर्ने अवस्था भएपनि विद्युतीय दुई पाङ्ग्रे सवारी साधनको मूल्य सर्वसाधरणले सोचेको भन्दा बढी भएको बताएका छन् ।

विद्युतीय दुई पाङ्ग्रे सवारी साधनको मूल्य न्युनतम २ लाख ५० हजारदेखि ६ लाख भन्दा माथिसम्म पर्ने भएकाले सर्वसाधारणले किन्ने पहुँच नहुँदा हेर्नु बाहेक केही नभएको सर्वसाधारणहरुको गुनासो रहेको छ ।

काठमाडौंको कपनबाट नाडा इभी शो अलोकन गर्न आउनुभएका उत्तम गुरुङले विद्युतीय दुई पाङ्ग्रे सवारी साधनको मूल्य सामान्य नागरिकको पहुँच भन्दा बाहिर रहेको बताउनु भयो । उहाँले १०० किलो मिटर मात्रै गुड्ने र एक जना मात्रै चढ्न मिल्ने विद्युतीय बाइकको मूल्य ६ लाख भन्दा माथि पर्ने भएको विद्युतीय बाइक आम जनमुखी नभएको बताउनु भयो । गुरुङले विद्युतीय सवारी साधन जनतालाई विलासिता भन्दा पनि आवश्यकता भएकाले सर्वसाधरणले किन्नसक्ने मूल्य हुनुपर्ने बताउनु भयो । उहाँले अबको युग विद्युतीय सवारी साधनको भएपनि जनताले सहज रुपमा लाभ लिने खालको अवस्था नभएको भन्दै सरकारले पनि विद्युतीय सवारी साधनलाई भन्सार शुल्क लगायत सहुलियत गरेर सर्वसाधरणको पहँुचमा पुग्नेगरी सस्तो मूल्यमा विद्युतीय बाइक गाडी उपलब्ध गराउन सक्नुपर्ने बताउनु भयो । पैसा हुनेहरुको लागि महँगो बाइक वा गाडी चड्ने भएता पनि सर्वसाधरणका लागि मूल्य कम हुनुपर्ने गुरुङको भनाई छ ।

त्यस्तै, अर्का शो अवलोकन कर्ता सञ्जय श्रेष्ठले पेट्रोलियम बाइक वा स्कुटर भन्दा लागतको हिसावले विद्युतीय सस्तो भएको पाएपनि खरिद मूल्य भने महँगो पाइएको बताउनु भयो । उहाँले अहिले नयाँ नयाँ टेक्नोलोजी आएकाले अब विद्युतीय सवारी साधनमा जानुको विकल्प नभएको बताउनु भयो । उहाँले सबै सर्व साधरण जनताको पहँुचमा पु¥याउनको लागि सरकारले मुख्य भुमिका खुल्नुपर्ने बताउनु भयो । श्रेष्ठले सरकारले विद्युतीय दुई पाङ्ग्रे सवारी साधनको कित्ता वा पेट्रोलियम पदार्थ भर्दा जस्तै भुक्तानी गर्न मिल्ने प्रणाली लागू गरे सबैको पहुँचमा पुग्ने बताउनु भयो । त्यस्तै,शो अवलोकन कर्ता विष्णु पोखरेलले पेट्रोलियम बाइक भन्दा विद्युतीय बाइकको मूल्य महँगो नै पाइएको बताउनु भयो । उहाँले विद्युतीय दुई पाङ्ग्रे सवारी साधन किन्दा महँगो भएपनि किनेपछि फाइदा रहेको पनि बताउनु भयो । उहाँले बिस्तारै विद्युतीय सवारीको माग बढ्दै जाँदा मुल्य कम हुँदै जाने अपेक्षा रहेको बताउनु भयो ।

यता नाडा अटोमोबाइल एशोसिएशन अफ नेपालका अध्यक्ष धु्रव थापाले स्वयम आफँैले पनि पेट्रोलियको तुलनामा विद्युतीय दुई पाङ्ग्रे सवारी साधनको मूल्य महँगो महशुस हुने गरेको बताउनु भयो । उहाँले विद्युतीय दुई पाङ्ग्रे सवारी साधनको ब्याट्री महँगो भएको कारण महँगो भएको बताउनु भयो । अध्यक्ष थापाले दुई पाङ्ग्रे सवारी साधनमा त्यस्तो भएपनि चार पाङ्ग्रे विद्युतीय सवारी साधनमा त्यस्तो नभएको बताउनु भयो । उहाँले विदेशमा हेरी नेपालमा विद्युतीय सवारी साधनको मूल्य कम रहेको दाबी गर्नुभयो । उहाँले विद्युतीय सवारी साधनको बजार प्रतिष्पर्धा हुँदै जाँदा क्रमश कम हुँदै जाने बताउनु भयो । अध्यक्ष थापाले विद्युतीय सवारी साधनको मूल्य कम गर्नको लागि सरकारले किलोवाडमा नभएर भन्सार दर खरिद गरेको मूल्यको आधारमा लागू गर्नुपर्ने बताउनु भयो ।

त्यस्तै सुपर सोको नेपाल कम्पनीकी बजार व्यवस्थापक स्वस्तिका भट्टराईले विद्युतीय स्कुटरमा लिथियममाइन ब्याट्री प्रयोग हुने भएकाले पेट्रोलियम स्कुटर भन्दा केही महँगो नै भएको बताउनु भयो । उहाँले विद्युतीय स्कुटर महँगो भएपनि एक पटक मात्रै लगानी गर्दा हुने बताउनु भयो ।

त्यस्तै, एमएम आई मोटर्स कम्पनीका निर्देशक सन्जीव सिल्पकारले पेट्रोलियम बाइक स्कुटरको तुलनामा सस्तो र महँगो दुबै रहेको बताउनु भयो । उहाँले विद्युतीय सवारी बाइकहरुको टेक्नोलोजी महँगो भएकाले मुल्य पनि महँगो भएको बताउनु भयो ।

गत असोज ६ गते बिहीवारदेखि शुरु भएको शो आज सकिएको छ । चार दिनसम्म चलेको शोमा २५ हजार भन्दा बढी अवलोकनकर्ताहरुको शो अवलोकन गरेको गरेको नाडाले बताएको छ । पछिल्लो समय पेट्रोल र डिजेलको मूल्य अत्याधिक बढी रहेको अवस्थामा पेट्रोल र डिजेलबाट चल्ने सवारी प्रतिस्थापनको लागि विद्युतीय सवारी साधन विकल्प बन्न थालेको छ । इभी अटो शोमा विभिन्न देशमा उत्पादन भएको विद्युतीय सवारी साधन आयात गरी नेपाली बजारमा बिक्री गर्दै आएका कम्पनीहरुले उत्साहपूर्वक सहभागी जनाएका थिए । विद्युतीय अटो शोमा विद्युतीय चार पाङ्ग्रे्र गाडी, तीन पाङ्ग्रे सवारी साधन र दुई पाङ्ग्रे्र सवारी साधनको प्रदर्शनमा राखिएको थियो । विद्युतीय स्कटुर वा मोटर साइकलको मूल्य २ लाखदेखि पाँच लाखसम्म पर्ने बाइक राखिएको थियो ।