काठमाडौं, ११ असोज
आज नेपालले बंगलादेशको सामना गर्दैछ ।
नेपालले दक्षिण एशियाली प्रतिद्वन्दी बंगलादेशबिरुद्ध मैत्रीपूर्ण खेल खेल्न लागेको हो ।
खेल त्रिपुरेश्वरस्थित दशरथ रंगशालामा साँझ ५ः३० बजे शुरु हुनेछ । नेपालले बंगलादेशबिरुद्ध हालसम्म २४ पटक प्रतिष्पर्धा गरेको छ । जसमा बंगलादेशले १२ खेल जितेको छ भने नेपालले ७ खेल मात्रै जितेको छ ।
५ खेलमा बराबरी भएको थियो । सन् १९८३ मा नेपालले बंगलादेशसँग पहिलो पटक खेलेको थियो ।
मर्डेका कपमा नेपाल बंगलादेशसँग १–० गोल अन्तरले पराजित भएको थियो । नेपाल र बंगलादेशको पछिल्लो पटकको भेट गत वर्षको असोजमा भएको थियो ।