काठमाडौँ, १९ कात्तिक । पोखराको त्रिवेणी संगीतले जनता होसियार चुनावी गीत सार्वजनिक गरेको छ ।
आगामी मंसिर ४ गते हुन लागेको प्रतिनिधीसभा तथा प्रदेशसभा निर्वाचनको पूर्वसन्ध्यामा जनतालाई सही प्रतिनिधीको छनोट गर्न आह्वान गर्दै उक्त गीत सार्वजनिक गरिएको हो ।
उक्त गीतमा नरेश पौडेल, किशोर सुनार, लक्ष्मी गिरी, राजन बराल, रेनु परियार, आशा लामिछाने, सुनिल बराल, रिचा सुवेदी, मिमोसा पोखरेल र सुशील गौतमले स्वर दिएका छन् ।
यस्तै, नवराज बरालको शब्द संगीत, एरेन्ज मिक्सिङ दिवस थापामगर, रेकर्ड जय चापागाईँले गरेका छन् भने उक्त गीत अनुश्रीया डिजीटल पोखरा स्टुडियोमा निर्माण गरिएको हो ।