रसुवा – रसुवामा बाम लोकतान्त्रिक गठबन्धनले संयुक्त चुनावी घरदैलो अभियानलाई तिव्रता दिएको छ । आसन्न निर्वाचन नजिकिएसँगै गठबन्धनले चुनावी प्रचारप्रसार अन्तर्गत संयुक्त घरदैलो अभियानलाई तिब्रता दिएको हो ।
बाम लोकतान्त्रिक गठबन्धनबाट प्रतिनिधिसभाका उम्मेदवार मोहन आचार्य, प्रदेश सभा क्षेत्र क का उम्मेदवार प्रभात लामा, प्रदेश सभा क्षेत्र ख का उम्मेदवार इन्द्र गौतम (जगतजंङ्ग) चुनावी मैदानमा छन् ।
आफना उम्मेदवारहरुलाई विजयी गराउन गठबन्धनका दलहरुले संयुक्त भेला गर्ने, पालिका, वडा, समुदायस्तरमा प्रचारप्रसार र परिचालन समिति गठन गर्ने, आमसभा, मतदाताहरुको भेटघाट, छलफल लगायतका गतिविधिहरु गरिरहेका छन् ।
जिल्लाभरि नै अभियान मार्फत चुनावी प्रचारप्रसारलाई तिव्रता दिइएको बाम गठबन्धनका दलहरुले बताएका छन् ।