रसुवा । मंसिर ४ गते भएको प्रतिनिधि तथा प्रदेशसभामा रसुवाबाट विजयी बाम गठबन्धनका उम्मेदवारहरुले सम्पुर्ण मतदाताहरुलाई धन्यवाद दिएका छन ।
विजयी पश्चात् सुरु भएको विजय उत्सब अन्तर्गत सदरमुकाम धुन्चेमा भएको सभामा गठबन्धनबाट प्रतिनिधि सभाका उम्मेदवार भइ विजयी भएका नेपाली काङ्ग्रेसका केन्द्रिय सदस्य मोहन आचार्य, प्रदेश सभा क्षेत्र क मा विजयी नेपाली काङ्ग्रेसका नेता प्रभात तामाङ, प्रदेश सभा क्षेत्र ख मा विजयी नेकपा माओवादी केन्द्रका इन्द्र गोतामे जगतजङ्गले विजयी गराउन लागिपर्ने सम्पुर्ण रसुवाली मतदाताहरुलाई धन्यवाद दिएका हुन ।
सभामा चुनावी दौरानमा समृद्ध रसुवा निर्माणका लागि सारेको कुराहरु अक्षरस पालना गर्ने समेत विजयी तिनैजनाले बताएका छन । “हामिलाइ जिताएर पठाउनु भयो सबैलाई धन्यवाद दिन चाहान्छौ, अब हामी काम गरेर देखाउछौँ, ।
समृद्ध रसुवा निर्माणका लागि रसुवामा क्रियाशिल सबै राजनीतिक दलको सहयोगको अपेक्षा गरिएको प्रतिनिधि सभामा विजयी नेपाली काङ्ग्रेसका केन्द्रिय सदस्य समेत रहेका मोहन आचार्यले बताए । गठबन्धन भन्दा माथी उठेर रसुवाको विकासका लागि काम गर्न लागिपर्ने समेत उनले बताए । कृषि, पर्यटन र जलविद्युतको एकीकृत विकास नै समृद्ध रसुवा निर्माणको आधार रहेको समेत उनले बताए ।
सदरमुकाम धुन्चेबाट सुरु बाम गठबन्धनको विजय उत्सब केहिबेरमा कालिकास्थानमा हुने बताइएको छ । जिल्लाभर नै मतदातालाई धन्यवाद दिदै उत्सब मनाइने जनाइएको छ ।
