सुनसरी । सुनसरीको प्रतिनिधिसभा निर्वाचन क्षेत्र नं ४ मा एमाले र कांग्रेस उम्मेदवारबीच रोचक भिडन्त जारी छ । पछिल्लो मतपरिणाम अनुसार एमालेका उम्मेदवार जगदीशप्रसाद कुसियतले अहिले कांग्रेसका उम्मेदवार एवं सञ्चारमन्त्री ज्ञानेन्द्रबहादुर कार्की भन्दा ३१ मतले पछि छन् ।

कांग्रेस उम्मेदवार कार्कीले ३० हजार १ सय ७० मत प्राप्त गरेका छन् भने एमाले उम्मेदवार कुसियतले ३० हजार १ सय ३९ मत प्राप्त गरेका छन् । यस क्षेत्रमा दुई उम्मेदवारबीच कडा प्रतिस्पर्धा जारी छ ।

यसैगरी राष्ट्रिय प्रजातन्त्र पार्टीका उम्मेदवार विध्यानन्द यादवले ३ हजार १ सय ९६ मत प्राप्त गरेका छन् भने राष्ट्रिय स्वतन्त्र पार्टीका उम्मेदवार जिवन कुमार श्रेष्‍ठले ३ हजार १ सय ५२ मत प्राप्त गरेका छन् ।