काठमाडौं । नेपाली कांग्रेसका महामन्त्री गगन थापाले अर्थतन्त्र यथास्थितिमा नचल्ने बताएका छन् । उनले अर्थतन्त्र चलायमान गर्न आगामी सरकारको नेतृत्व सचेत हुनुपर्ने बताए ।

बिहीबार आर्थिक पत्रकार समाज ‘सेजन’को २६औं वार्षिकोत्सबका अवसरमा बोल्दै उनले भने, ‘अर्थतन्त्र यथास्थितिमा चल्दैन, आपतकालीन अवस्था आउन सक्छ भन्ने रियलाइज गरेर काम गर्नुपर्ने अवस्था रहेको छ ।’

प्रतिनिधिसभा सदस्य पुनः निर्वाचित सांसद थापाले अबको नेतृत्वले अर्थतन्त्रमा चलायमान भएर काम गर्नुपर्ने बताए । आफूलाई भावी प्रधानमन्त्रीको रुपमा समेत दावेदार गर्दै आएका थापाले भने, ‘हामी निर्वाचनमा जसरी खटियौं, अबको नेतृत्वले अर्थतन्त्रमा पनि त्यसैगरी काम गर्नुपर्छ ।’