शुक्रबार, चैत्र १६, २०८०
Mountain Khabar

Advertisment

SKIP THIS

अझै उही (कविता)


  • गाेपीराम भण्डारी 'बटुवा'
  • शनिबार, माघ १४, २०७९
  • 354
    SHARES

कविता – अझै उही

मैनको धिपधिपे उज्यालोमा
आँखा गाडेर
चुँडालेका शब्दार्थ,
टुप्पीकाे टुप्पामा टक्रक्क राखिएको अलंकार
बिम्वले काेतरेका डाेभहरु
मस्तिष्कमा बोकेर
चिहाउने संबैधानिक धर्ती

नगरकोटको ढिस्कोबाट
प्यालालाई लर्काइ लर्काइ
धपक्क बलेको दृश्य
तिरीमीरी झिलीमिली
हिनहिनाउने आँखाले
नियालेर हेर्ने आधुनिक धर्ती
के उही हो ?

अभावको दवावमा भुट्भुटीएर
अर्धानो पेट लिएर
गेटगेटमा ,सडक पेटीमा
गल्लीगल्लीका चेपमा
हल्लिरहेकाहरूकाे कर्म

अघिपछि लस्कर लगाएर
सर्बसुविधा युक्त वाहनमा
मुठाका मुठा
बहीखातामा हस्ताक्षर गर्नेको
भाग्य
उही हो ?

टेक्ने धर्ती, सुन्ने अर्ति
बस्तुगत स्थान,सर्वाङ्ग अस्तित्व
उस्तै उस्तै देखिने तर
दृष्टिले सृष्टिका हकभाेग छिनेका
सु-सुगन्धित परिदृष्यहरू
बन्द आँखा र खुल्ला आकासमा
उडाइरहेको चङ्गामा
लतपत्याईएकाे अस्तित्व
विर्को लगाइएका मनले
बगाइरहने गंगा
संशय र शंका
व्यथा र व्यवधान
के उही हो ?

विसमता, समानता
थिङ्गथिलो विज्ञता र हिलो कचिलो ज्ञाता
उधेनीएको सम्मान
टालिएको इज्जत
आँखाले बोल्ने
मुखले हेर्ने
तिमी र म अनि लम्पसार हामी
उन्मुक्ति र उन्मुलन
समाजवाद र समाजशास्त्र
समापन र सम्मान एउटै देख्ने
हाम्रो विवेकी नेत्र
के उहीँ हाे ?

यदि हाेइन भने
खै चक्षु कता लाेलाएका छन्
ज्युँदाहरु कता टाेलाएका छन्
भाषणमाथिकाे शासन
निर्धाहरुलाई कासन दिंदै
सिंहासनमा बस्ने आशिर्वाद पाएकाहरूकाे चाला
अझै उहीँ हाे ? अझै उहीँ
फेरिपनि!!!

-गाेपीराम भण्डारी ‘बटुवा’

प्रतिक्रिया
सम्बन्धित समाचार
ताजा अपडेट
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”
संञ्चालक : अनिता चापागाँई
सम्पादक :  अच्युत  रेग्मी
सह सम्पादक : अनु आचार्य
सम्वाददाता : आषिश तामाङ
सम्वाददाता : सब्बु आचार्य
बजार व्यवस्थापक : क्रिशमान तामाङ

.ads img { margin-bottom: 15px; }