काठमाडौँ । महर्षि स्कुल सामाखुशीको आयोजनामा नवौँ महर्षि म्याराथन प्रतियोगिता हुने भएको छ ।
महर्षि स्कुलले बिहबिार यहाँ पत्रकार सम्मेलन गरी आगामी बैशाख १६ गते शनिबार नवौँ महर्षि अन्तरविद्यालय स्तरिय म्याराथन प्रतियोगिता आयोजना गर्न लागेको जानकारी दिएको हो ।
पत्रकार सम्मेलनमा बोल्दै स्कुलका प्राचार्य निर्मल पौडेलले प्रत्येक वर्ष आयोजना गरिने महर्षि म्याराथनमा काठमाडौँभित्रका तीस भन्दा बढी विद्यालयका २०० विद्यार्थीको सहभागीता रहने जानकारी दिनुभयो ।
उक्त प्रतियोगिताका लागि छात्रका लागि पाँच किलोमिटर र छात्राका लागि तीन किलोमिटर दूरी तोकिएको छ । विस २०६९ सालदेखि प्रत्येक वर्ष सञ्चालन हुँदै आएको महर्षि म्याराथनमा ६ कक्षादेखि १० कक्षासम्मका विद्यार्थीको सहभागीता रहने विद्यालयका अध्यक्ष प्रकाशचन्द्र दवाडीले जानकारी दिनुभयो ।
प्रतियोगितामा प्रथम हुने महिला तथा पुरुषलाई विद्यार्थीलाई रु ६ हजार नगद, ट्रफि, मेडल र प्रमाणपत्र, दोस्रो हुनेलाई रु चार हजार नगद, ट्रफि, मेडल र प्रमाणपत्र र तेस्रो हुनेलाई रु तीन हजार नगद, ट्रफि, मेडल र प्रमाणपत्र प्रदान गरिने अध्यक्ष दवाडीले बताउनुभयो ।