काठमाडौं । नेपाली काँग्रेसको केन्द्रिय कार्यसमितिको पहिलो दिनको बैठकमा एक दर्जन नेताहरुलै आफ्नो धारणा राखेका छन् ।
बिहीवारबाट पार्टी केन्द्रिय कार्यालय सानेपामा बसेको बैठकमा तीन वटा प्रश्ताव प्रश्तुत भएका हुन् । पहिलो दिनको बैठकपछि बोल्दै नेता मिनबहादुर विश्वकर्माले महासमितिको बैठक मंसिर १३,१४ र १५ गते काठमाडौंमा गर्ने प्रश्ताव आएको पेस भएको बताउनु भयो । उहाँले अहिलेसम्म भए गरेका कामको समीक्षामा महामन्त्री गगनकुमार थापाले समीक्षात्मक प्रतिवेदन प्रश्तुत गर्नुभएको पनि नेता विश्वकर्माले बताउनु भयो । उहाँले कार्यवाहक प्रधानमन्त्री र पार्टीका उपसभापति पूर्णबहादुर खड्काले सरकारको गतिविधिका बारेमा प्रश्तुत गर्नुभएको बताउनु भयो ।
उहाँले भन्नुभयो, ‘नेपाली काँग्रेसको आज बसेको बैठमा सभापति शेरबहादुर देउवाको सभापतित्वमा बसेको बैठकमा तीन वटा प्रश्ताव प्रश्तुत भए । एउटा महासमितिको बैठक जसले नीति महाधिवेशनको समेत काम गर्नेगरी महासमितिको बैठक मंसिर १३,१४ र १५ गते काठमाडौंमा गर्ने प्रश्ताव आएको छ । साथै अहिलेसम्म भए गरेका कामको समीक्षामा महामन्त्री गगनकुमार थापाले समीक्षात्मक प्रतिवेदन प्रश्तुत गर्नुभयो । समसामयिक विषयमा जनतासँग जोडिएका जनताका दैनिक समस्याका विषयमा के कस्तो रहेको छ भनेर कार्यवाहक प्रधानमन्त्री र पार्टीका उपसभापति पूर्णबहादुर खड्काले सरकारको गतिविधिका बारेमा प्रश्तुत गर्नुभयो । आज करिव १ दर्जन वक्ताहरुले धारणा राख्नुभएको छ । बैठक भोलि ११ बजे चल्छ ।’
काँग्रेस कार्यसमितिको बैठक शुक्रवार बिहान ११ बजे पुनः बस्नेछ ।
