बिहिबार, साउन ३, २०८१
Mountain Khabar

Advertisment

SKIP THIS

निर्माण व्यवसायीका माग सम्बोधन गर्न सरकार संवेदनशील भएनः अध्यक्ष सिंह


  • माउन्टेन खबर
  • मङ्लबार, असार ४, २०८१
  • 42
    SHARES

काठमाडौं । नेपाल निर्माण व्यवसायी महासंघका अध्यक्ष रवि सिंहले नेपालमा निर्माण उद्योग धराशायी भइरहेको बताउनुभएको छ ।

सोमवार काठमाडौंमा आयोजित युथ कम्युनिटी फर नेप्लिज कन्ट्रयाक्टर्सको कार्यक्रमलाई सम्बोधन गर्दै उहाँले यस्तो बताउनुभएको हो । उहाँले निर्माण उद्योग धराशायी हुँदा मुलुकको अर्थतन्त्रलाई समस्या परेको उल्लेख गर्दै निर्माण व्यवसायीका माग सम्बोधन गर्न आवश्यक रहेको बताउनु भयो । उहाँले निर्माण व्यवसायीहरुका माग सम्बोधन गर्न सरकार र आगामी आर्थिक वर्षको बजेट संवेदनशील नभएको जिकिर गर्नुभयो । उहाँले निर्माण व्यवसायीका माग सम्बोधन गर्न राजनीतिक नेतृत्व र राजनीतकि दलहरु संवेदनशील नभएको आरोप लगाउनु भयो ।

उहाँले भन्नुभयो, ‘अहिले पनि १३ औं संशोधन आएको छ । र १३ औं संशोधनबाट २ हजार भन्दा बढी योजनाहरुको म्याद थप भइरहेको छ । हामीले निरन्तर रुपमा सम्माननीय प्रधानमन्त्रीज्युलाई, मान्य उपप्रधान तथा भौतिक पूर्वाधारमन्त्रीज्युलाई, अर्थमन्त्रीज्युलाई, विकासे मन्त्रालयका मन्त्रीज्युहरुलाई, मुख्य सचिवज्युलाई, सम्पूर्ण सचिवज्युहरुलाई सबैलाई हामीले निरन्तर रुपमा हामीले, निजी क्षेत्रहरुलाई हरेक क्षेत्रमा नेपालमा निर्माण उद्योग धराशायी भइरहेको छ र निर्माण उद्योग धराशायी हुँदा मुलुकको अर्थतन्त्रलाई समस्याहरु परेको छ । त्यसलाई सम्बोधन गर्ने काममा सरकार संवेदनशील भएन । यो बजेट संवेदनशील भएन । राजनीतिक नेतृत्व र राजनीतकि पार्टीहरु संवेदनशील भएनन् । र त्यसको असर निर्माण उद्योगलाई मात्र नभइ सम्पूर्ण अर्थतन्त्रको चक्रलाई भइरहेको छ । अर्थतन्त्र संकुचनमा छ । उद्योग आफ्नो क्षमताको एक तिहाईमा सञ्चालन भइरहेको छ । यो कुरा सबैले स्वीकार गर्नुहुन्छ तर यसलाई सम्बोधन गर्ने कुरामा राजनीतिक नेतृत्व अहिले पनि चुकेको छ । बजेट पनि चुकेको छ । यो बजेटले हामीले खबरदारी गर्दा पनि ति समस्यालाई सम्बोधन गरेन । थप भार यो बजेटले थपेको छ ।’

अध्यक्ष सिंहले अर्थ मन्त्रालय र विकासे मन्त्रालयले निकालेको योजनामा धेरै नै भिन्नता पाएको भन्दै त्यसलाई सच्याउन आग्रह गर्नुभयो । उहाँले अहिले पनि सरकारले गम्भीर भएर निर्माण व्यवसायीका समस्या समाधान नगर्ने हो भने मुलुकको अर्थतन्त्र थप धराशायी हुने जिकिर गर्नुभयो । सरकारले भुक्तानी गर्न नसक्ने योजनाहरु भए कटौति गर्नेतिर लैजान आवश्यक रहेको बताउनु भयो । —न्युज एजेन्सी नेपाल

प्रतिक्रिया
सम्बन्धित समाचार
ताजा अपडेट
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”
संञ्चालक : अनिता चापागाँई
सम्पादक :  अच्युत  रेग्मी
सह सम्पादक : अनु आचार्य
सम्वाददाता : आषिश तामाङ
सम्वाददाता : सब्बु आचार्य
बजार व्यवस्थापक : क्रिशमान तामाङ

.ads img { margin-bottom: 15px; }