काठमाडौं । नेपाली कांग्रेसका नेता तथा महामन्त्री गगन थापाले रसुवाबाट प्रतिनिधिसभा सदस्यमा उम्मेदवार बन्नुभएका मोहन आचार्यलाई अत्याधिक मतले विजयी गराउन सम्पूर्ण मतदातामा आग्रह गर्नुभएको छ । सोमबार एक भिडियो मार्फत थापाले आचार्यलाई रुख चिन्ह्रमा अत्याधिक मतले विजयी गराउन रसुवाका सम्पूर्ण मतदातामा आग्रह गर्नुभएको हो ।
भिडियो सन्देश मार्फत थापाले भनेका छन्– ‘मंसिर ४ गते हुने निर्वाचनमा प्रतिनिधिसभा सदस्यका उम्मेदवार इन्जिनियर मोहन आचार्यलाई रुख चिन्ह्रमा मतदान गरि अत्याधिक मतले विजयी गराउन म हार्दिक अनुरोध गर्दछु ।’
थापाले गएको संसदमा नेपालको निति निर्माणमा आचार्यले गरेका प्रयासहरु उल्लेखनिय रहेको बताउनुभएको छ । त्यसैगरि आचार्यले व्यवसायिक दक्षतालाई समेत संसदभित्र ल्याउने प्रयास उल्लेखनिय रहेको बताउनुभयो । अब रसुवाको थप विकाससँगै देशको परिवर्तनका लागि राखिएको अपेक्षामा संसदमा आचार्यको उपस्थितीले ठुलो अर्थ राख्ने समेत थापाले बताउनुभयो ।
प्रतिनिधिसभा सदस्यका उम्मेदवार आचार्य अहिले चुनावी प्रचारप्रसार अन्तर्गत घरदैलो अभियानमा हुनुहुन्छ । उहाँले समृद्ध रसुवा निर्माणका लागि आफु लागि परेको बताउनुभएको छ ।