बिहिबार, जेष्ठ १७, २०८१
Mountain Khabar

Advertisment

SKIP THIS

मन्त्रालय भागबण्डाको टुंगो लागेको छैन : उपसभापति खड्का


  • माउन्टेन खबर
  • आइतवार, चैत्र १२, २०७९
  • 171
    SHARES

काठमाडौं । नेपाली काँग्रेसका उपसभापति पूर्णबहादुर खड्काले सत्तारुढ दलहरुका बिचमा मन्त्रालयको भागबण्डा नटुंगिएको बताएका छन्।

आईतवार संघीय संसद भवन नयाँ बानेश्वरमा सञ्चारकर्मीहरुसँग कुराकानी गर्दै उपसभापति खड्काले मन्त्रालय भागबन्डाको विषय नटुंगिएको बताएका हुन्।

उनले गठबन्धन दलका नेताहरुका बीचमा छलफल भइरहेको भएपनि कुन पार्टीले कुन मन्त्रालय भन्नेमा टुंगो नलागेको बताए। उनले नेपाली कांग्रेसले पनि कसको नेतृत्वमा सरकारमा जाने र को–को मन्त्री भएर जाने भन्नेमा निर्णय गरिनसकेको बताए।

उनले भने ‘नेपाली काँग्रेसले औपचारिक रुपमा कुनै निर्णय गरेको छैन। नेपाली काँग्रेस मात्रै होइन कुनैपनि दलले कुन मन्त्रालय लिएर सहभागि हुने भन्ने बारेमा अन्तिम निर्णय भइसकेको छैन। अहिले सबैकुरा छलफलको क्रममा छ। छलफल घनिभुत रुपमा प्रधानमन्त्रीले समन्वय गरेर गरिरहनुभएको छ। गठबन्धन दलका नेताहरुसँग पनि छलफल भइराखेको छ। अहिलेसम्म कुन पार्टीले कुन मन्त्रालयमा सहभागि हुने भन्ने कुरा टुंगो लागेको छैन। नेपाली काँग्रेस पार्टीको तर्फबाट औपचारिक रुपमा को–को जाने, कसले नेतृत्व गर्ने भन्ने बारेमा औपचारिक निर्णय भइसकेको छैन।’

उनले आगामी ३ दिन भित्रमा सरकारले पूर्णता पाउने उल्लेख गरे। प्रधानमन्त्री पुष्पकमल दाहालले सबै दलहरुसँग संवाद गरिरहेको भन्दै ३ दिनभित्रमा सरकारले पूर्णता पाउने उनको भनाइ छ।

उनले भने ‘गठबन्धनको बैठक प्रत्येक दिन बसिराखेको छ। कहिले सबै दलका नेताहरु बस्नुहुन्छ। कहिले त्यसमध्येका केही नेताहरु बस्नुहुन्छ। कहिले प्रधानमन्त्रीले गठबन्धनसँग जोडिएका विश्वासको मत दिने दल र त्यो विश्वासका मत दिदाँ गठबन्धनमा छौँ भन्ने दलहरुका बीचमा प्रधानमन्त्रीले संवाद गरिरहनुभएको छ। मलाई लाग्छ अब उहाँले ४÷५ दिनमा हामी यसलाई टुंग्याउँछौ भन्नुभएको थियो विश्वासको मत दिएपछि। त्यही स्पिडमा काम भइराखेको छ। मलाई लाग्छ सम्भवतः २÷३ दिन भित्रमा यसले पूर्णता पाउँछ। सहमतिमा, सबैको सहभागिता, सबैको उचित प्रतिनिधित्व हुने गरी हामी सहमतिको आधारमा यो कुरालाई टुंग्याउँछौँ। हाम्रो बिचमा अहिले सरकार बिस्तारको बारेमा भइरहेको छलफलमा कहीँपनि दायाँबायाँ छैन। कसैको बीचमा असहमति पनि छैन। कसैको नकारात्मक कुरा पनि छैन।’

उपसभापति खड्काले हालसम्म भइरहेको छलफलमा सरकार बिस्तारको सम्बन्धमा कसैको असहमति नभएको उल्लेख गरे। सबैको सहभागिता र उचित प्रतिनिधित्व हुनेगरी सबैको सहमतिमा सरकारलाई पूर्णता दिइने उनको भनाई छ।

प्रतिक्रिया
सम्बन्धित समाचार
ताजा अपडेट
धेरै पढिएको

माउण्टेन खबर प्रा.लि.
ठेगाना: लैनचौर, काठमाडौं २६  वडा
दर्ता प्रमाणपत्र नम्बर : २११३/७७-७८
फोन नम्वर : ९८५१२२७४०६
ईमेल: [email protected]

हाम्रो टिम

सल्लाहकार : राम लामा “अविनाशी”
संञ्चालक : अनिता चापागाँई
सम्पादक :  अच्युत  रेग्मी
सह सम्पादक : अनु आचार्य
सम्वाददाता : आषिश तामाङ
सम्वाददाता : सब्बु आचार्य
बजार व्यवस्थापक : क्रिशमान तामाङ

.ads img { margin-bottom: 15px; }