काठमाडौँ २९ जेठ । नेपाली कांग्रेसको शुभेच्छुक संस्था नेपाल लोकतान्त्रिक बैदेशिक रोजगार ब्यवसायी एशोसिएसनको कार्यसमिति सदस्य पदमा चार जनालाई मनोनित गरिएको छ ।
एशोसियशनका अध्यक्ष दीपक थापाको अध्यक्षतामा सोमबार बसेको कार्यसमिति बैठकले प्रेमबहादुर बानिया, रविन मेगाले मगर, जगत गुरुङ र देउबहादुर (सविन) गौतमलाई कार्यसमितिमा मनोनित गरेको हो ।
मनोनित सदस्यमा बानिया सुपर्भ सोलुसन प्रालिका सञ्चालक, मेगाले मगर भर्षा मेनपावर प्रालिका सञ्चालक, गुरुङ जव वल्र्ड ईन्टरनेशनल प्रालिका सञ्चालक र गौतम जेनेक्श एशोसिएट्स प्रालिका सञ्चालक हुनुहुन्छ ।
कार्यसमिति बैठकले एशोसियशनको विधानको दफा १३ (२) को अधिकार प्रयोग गरी कार्यसमिति पदमा मनोनयन गरेको अध्यक्ष दीपक थापाले जानकारी दिनुभयो ।
अध्यक्ष थापाले लोकतान्त्रिक एशोसिएसनको ऐन, नियम, बिधान बमोजिम आफनो पदिय मर्यादा राख्दै संस्थाको उदेश्य प्राप्तिको लागि सक्रियता पूर्वक महत्वपूर्ण योगदान गर्ने विश्वास समेत लिनुभएको छ ।
एशोसियशनको यहि जेठ ५ गते बसुन्धरामा सम्पन्न अधिवेशनबाट अध्यक्षमा थापासहित नयाँ कार्यसमिति निर्वाचित भएको थियो ।
