१ फागुन, काठमाडौं । सभामुख अग्नीप्रसाद सापकोटाले सर्वदलीय बैठक बोलाउनुभएको छ। प्रधानन्यायाधीश चोलेन्द्र शमशेर राणालाई महाभियोगको प्रस्ताव दर्ता गरेपछि सभामुख सापकोटाले सर्वदलीय बैठक बोलाउनुभएको हो।
सभामुख सापकोटाले सोमबार दिउँसो ३ बजेलाई बैठक बोलाउनुभएको उहाँको प्रेस संयोजक श्रीधर न्यौपानेले जानकारी दिनुभयो। बैठक सिंहदरबार संसद सचिवालयमा बस्ने जनाइएको छ।