गोरखा १० मंसिर । गोरखाको सदरमुकाम गोरखा बजारमा एडभान्स कुकिङ तालिम सुरु भएको छ ।

युएनडीपी, नेपाल पर्यटन वोर्ड र होटल एशोसियशन अफ नेपालको सहकार्यमा एडभान्स कुकिङ तालिम सुरु भएको हो ।

सातै प्रदेशमा एडभान्स कुकिङ तालिम सञ्चालन गर्ने उदेश्यअनुरुप गोरखाको सदरमुकामस्थित गोर्खा इन होटलमा सातदिने एडभान्स कुकिङ तालिम भएको हो ।

सो अवसरमा होटल एशोसियशन अफ नेपाल (हान)का वरिष्ठ उपाध्यक्ष विनायक शाह, सेफ्स एशोसियशन अफ नेपालका अध्यक्ष श्यामबहादुर लामा, गोरखा नगरपालिकाका उपप्रमुख मसलीमाया थोकरलगायतको उपस्थिती रहेको थियो ।