काठमाडौँ । काठमाडौँ महानगरपालिकाले आजदेखि अव्यवस्थित तार व्यवस्थापन गर्ने भएको छ । महानगरका हिजो बसेको बैठकले उक्त निर्णय गरेको हो ।
महानगर प्रहरी प्रमुख राजुनाथ पाण्डेका अनुसार पहिलो चरणमा माइतिघरदेखि नयाँ बानेश्वर हुँदै विमानस्थल र न्यूरोडलदेखि वसन्तपुर हुँदै असनसम्म तार व्यवस्थापन गरिनेछ ।
तार व्यवस्थापन गर्दा नेपाल विद्युत् प्राधिकरण, दूरसञ्चार प्राधिकरण, नेपाल टेलिकम, काठमाडौँ उपत्यका प्रहरी कार्यालय, महानगर प्रहरी बल र इन्टरनेट सेवा प्रदायक संस्थाका प्रतिनिधि रहनेछन् । सेवा प्रदायकले आफ्नो तारमा चिन्ह लगाउने र चिन्ह नलगाएका तार काटिए स्वयम संस्था नै जिम्मेवार हुने महानगरको भनाइ छ ।
प्रतिक्रिया
सम्बन्धित समाचार
