काठमाडौँ । बालकुमारी घटनामा प्रहरीका उच्च अधिकारीलाई निलम्बन गरेसँगै प्रहरीको मनोवल गिर्न थालेको छ ।
बालकुमारी घटनामा भौतिक, पूर्वाधार तथा यातायातमन्त्री प्रकाश ज्वालाको गाडीमा आगोलागी भएसँगै भीडलाई नियन्त्रणमा लिन प्रहरीले चलाएको गोली लागेर दुई जनाको मृत्यु भएको घटनालाई लिएर प्रहरी अधिकारी निलम्बनमा परेसँगै प्रहरीको मनोवल गिरेको हो ।
संसद भवन नयाँ बानेश्वरमा संसदको बैठक चलिरहेको अवस्थामा लघुवित्त पीडित छिरेसँगै प्रहरीमाथि कसरी छिरे भन्ने बारेमा चौतर्फी प्रश्न उठ्न थालेको छ ।
यसअघि बालकुमारी घटनालाई लिएर प्रहरी अधिकृत निलम्बन गरेसँगै प्रहरीले आफ्नो जागिर जोगाउनका लागि आन्दोलनकारीमाथि पानीको फोहोरा, अश्रुग्याँस, गोली नचलाउँदा दिउँसै संसद भवनभित्र आन्दोलनकारी प्रवेश गरेका छन् ।
संसद भवनभित्र आन्दोलनकारी प्रवेश गरेसँगै गृहमन्त्री नारायणकाजी श्रेष्ठलाई प्रश्नसमेत उठेको छ । गृहमन्त्रीले आज साँझ सुरक्षा प्रमुखहरुको आकस्मिक बैठकसमेत बोलाएका छन् ।
प्रहरीलाई दोषी देखाएर आफू उम्कने गृहमन्त्रीको प्रयासलाई पछिल्लो समय विभिन्न दलका सांसदहरुले प्रश्न गर्न थालेका छन् भने कतिपय सांसदले राजीनामा समेत मागेका छन् ।
