काठमाडौँ । कलाकार पवन खतिवडा ‘म्याकुरी’लाई कुटपिट गरेको आरोपमा प्रहरीले शर्मिला वाइबालाई पक्राउ गरेको छ ।

सामाजिक अभियन्ता बताउने वाइबालाई सिन्धुपाल्चोकको बाह्रबिसेबाट पक्राउ गरिएको एसपी सन्तोष खड्काले जानकारी दिए ।

कलाकार खतिवडाले आफूलाई कुटपिट गरेको आरोपमा उनीविरुद्ध प्रहरी वृत महाराजगञ्जमा मुद्दा दर्ता गराएका थिए । उनीविरुद्ध कुटपिट तथा अंगभंग सम्बन्धी कसुरमा मुद्दा दर्ता भएको छ ।

केही दिन अघि शर्मिला वाइबा, पवनकी पत्नी सुम्निमा खालिङ र बहिनी गंगा मिलेर उनीे बसेको घरभित्रै गएर हातपात गरेका थिए । त्यसपछि पवनले पत्रकार सम्मेलन गरेका थिए ।

पवनको पत्नी सुम्निमासित विवाद चलिरहेको छ ।