काठमाडौँ । सत्य साई केन्द्र सामाखुशीको आयोजनामा भएको निःशुल्क स्वास्थ्यशिविरमा २६८ जनाले सेवा लिएका छन् ।

सत्य साई केन्द्र सामाखुशीको आयोजना तथा शनिबार महर्षि स्कुल सामाखुशीमा आयोजना गरिएको एकदिने स्वास्थ्य शिविरमा २६८ जनाले सेवा लिएको सत्य साई केन्द्र सामाखुशीका पूर्वअध्यक्ष सागर अधिकारीले जानकारी दिनुभयो ।

सो केन्द्रले रिचा बजिमय मेमोरियल फाउण्डेशन, रोट्रयाक क्लब काठमाडौँ मिडटाउन, धुलिखेल अस्पताल र नेपाल क्यान्सर एण्ड रिसर्च सेन्टर जावलाखेलको सहयोगमा उक्त स्वास्थ्यशिविर आयोजना गरेको थियो ।

उक्त स्वास्थ्य शिविरमा जनलर हेल्थ चेकअफअन्तर्गत कान, वेट, हाइट, आँखा, घाँटी, व्लडपेसर, सुगरलगायको जाँच गरिएको सो केन्द्रका अध्यक्ष हरिदेव पाठकले जानकारी दिनुभयो । सो अवसरमा स्तन क्यान्सर पाठेघर क्यान्सरको स्क्रिन जाँच समेत गरिएको थियो ।