७० औ प्रजातन्त्र दिवसको अवसरमा रसुवा कारागारबाट एक जना कैदी जेलमुक्त भएका छन् । जेलमुक्त हुनेमा ज्यान मार्ने उद्योग मुद्धाका रिसावाङदी तामाङ रहेका छन् ।
उनलाई बुधबार बिहान १० बजे परिवारको जिम्मा लगाइएको छ । असल चालचलन, आचरण सुधार र ५० प्रतिशत कैद भुक्तान गरेका तामाङलाई रिहा गरिएको रसुवा कारागारका जेलर कृष्णहरि पुडासैनीले जानकारी दिएका छन् ।
राष्ट्रपति कार्यालयद्वारा मंगलबार जारी विज्ञप्ति अनुसार संविधानको धारा २७६, फौजदारी कसुर (सजाय निर्धारण तथा कार्यान्वयन) ऐन, २०७४ तथा फौजदारी कसुर (कैद कट्टा) नियमावली, २०७६ बमोजिम राष्ट्रपतिले सरकारको सिफारिसमा देशभरका ३२९ जना कैद मिनाहा गरिएको छ ।