रसुवाको गोसाइँकुण्ड गाउँपालिकाले १५ शैयाको क्वारेन्टाइन निर्माण गरेको छ । कोरोना भाइरस संक्रमणको शंकास्पद बिरामीहरुको निगरानी तथा उपचार व्यवस्थापनका लागि गाउँपालिकाको स्याफ्रुबेशी स्थित कोमिन श्यामेवाङफेल मा.वि. मा १५ शैयाको क्वारेन्टाइन निर्माण गरिएको हो ।
बिद्यालयको ३ वटा कोठामा १५ शैयाको क्वारेनटाइन निर्माण गरिएको गाउँपालिकाका स्वास्थ्य शाखाका प्रमुख बिमल घिमिरेले बताए । उक्त क्वारेनटाइनमा दुई जना स्वास्थ्यकर्मि खटाइने समेत उनले बताएका छन् ।
क्वारेनटाइनका लागि पिपिइ सेट लगायतका आवश्यक उपकरण तयारी अबस्थामा राखिएको समेत उनको भनाई रहेको छ ।
त्यसैगरि चीनसँगको सिमाना रसुवागढी क्षेत्रमा ३० बेडको क्वारेनटाइन निर्माणका लागि तयारी भइरहेको गाउँपालिकाका प्रशासकिय अधिकृत देविलाल सापकोटाले बताए ।
प्रतिक्रिया
सम्बन्धित समाचार
