रसुवा, १४ चैत
प्रतिनिधिसभामा रसुवाबाट निर्वाचित सांसद मोहन आचार्यले जिल्ला विपद व्यवस्थापन समिति रसुवालाई कोरोनासँग सम्बन्धित स्वास्थ्य सामाग्री उपलब्ध गराएका छन् । बिश्वब्यापी संक्रमणको रुपमा फैलिएको कोरोना भाइरस अर्थात कोभिड १९ को शंकास्पद बिरामीहरूको निगरानी तथा उपचार गर्न शुक्रबार जिल्ला बिपद व्यवस्थापन समिति रसुवालाई स्वास्थ्य सामाग्री उपलब्ध गराएका हुन् ।
जिल्ला विपद व्यवस्थापन समिति रसुवालाई प्रयोजनका लागि दिइने स्वास्थ्य सामाग्री कालिका प्रहरी चौकि मार्फत उपलब्ध गराएको प्रमुख जिल्ला अधिकारी अर्जुन भण्डारीले बताए ।
सांसद आचार्यबाट प्राप्त ५ हजार पिस मास्क, ३५ सेट पिपिई, १५ थान स्यानेटाइजर, ३ सय ५० थान पन्जा उत्तरगया गाउँपालिकाका अध्यक्ष उपेन्द्र लम्सालले कालिकास्थान प्रहरी चौकिलाई हस्तान्तरण गरेका थिए ।
स्वास्थ्यकर्मि, सुरक्षाकर्मिहरुलाई प्रयोग गर्ने गरि सांसद आचार्यले आफनो व्यक्तिगत खर्चबाट उक्त सामाग्री खरिद गरि जिल्ला विपद व्यवस्थापन समितिलाई उपलब्ध गराएको बताइएको छ ।
बिश्व ब्यापि संक्रमणको रुपमा रहेको कोभिड १९ को उपचार मा प्रयोग हुने सामाग्री र मास्क को अभाब रहेकोले सामाग्री को उपलब्धता संगै अत्यावश्यक सामाग्रीहरु सम्भव भएसम्म उपलब्ध गराउदै जाने समेत सांसद आचार्यले बताएका छन् ।
