काठमाडौँ । काठमाडौँको ग्राण्डी अन्तर्राष्ट्रिय अस्पताल धापासीमा अन्तर्राष्ट्रिय नर्सिङ दिवस मनाइएको छ ।
हाम्रा नर्सहरू, हाम्रो भविष्य, हेरचाहको आर्थिक शक्ति भन्ने नाराका साथ आज विश्वभर नर्सिङ दिवस मनाइएको हो । विगत ११ वर्षदेखि धापासीमा सञ्चालित ग्राण्डीले आज अस्पतालमा भव्य कार्यक्रमको आयोजना गरी नर्सिङ दिवस मनाइएको हो ।
कार्यक्रममा अस्पतालका मेडिकल डाइरेक्टर डा विनोद विजुक्छेले विरामीको सेवामा नर्सले पु¥याएको योगदान उच्च रहेको बताउनुभयो । उहाँले अन्य अस्पतालको तुलनामा ग्राण्डीको नर्सिङ विभाग राम्रो रहेको उल्लेख गर्नुभयो ।
ग्राण्डी अस्पतालकी असिस्टेन्ट नर्सिङ डाइरेक्टर सरिता श्रेष्ठले विरामीको उपचारमा नर्सको महत्वपूर्ण भूमिका रहेको बताउनुभयो ।
नेपाल नर्सिङ सङ्घका अनुसार देशभर हाल देशभर क्रियाशील नर्सहरुको सङ्ख्या ८२ हजार चार सय ७१ जना कार्यरत रहेका छन् जसमा विशेषज्ञ नर्स एक हजार पाँच सय सातजना छन् । सरकारी क्षेत्रमा १८ हजार र निजीमा १८ देखि २० हजार नर्स कार्यरत रहेको तथ्याङ्क रहेको छ ।
सोही अवसरमा अस्पतालका विभिन्न शाखामा कार्यरत नर्सहरुले सांस्कृतिक कार्यक्रम प्रस्तुत गर्नुका साथै नाटक समेत प्रस्तुत गरेका थिए ।
