यती समूहले सरकारले स्थापना गरेको ‘कोरोना संक्रमण रोकथाम, नियन्त्रण तथा उपचार कोष’मा १ करोड रुपैयाँ सहयोग गरेको छ।
कोरोना भाइरस (कोभिड-१९) को संक्रमण, रोकथाम, निदान तथा नियन्त्रणका लागि स्थापना गरिएको कोषमा यती समूहले बिहीबार १ करोड रुपैयाँ सहयोग रकम हस्तान्तरण गरेको हो।
यती समूहका लगानीकर्ताहरूको तर्फबाट अध्यक्ष लाक्पा सोनाम शेर्पाले १ करोड रुपैयाँको चेक हस्तान्तरण गरे। सहयोग रकमपछि यती समूहले जारी गरेको विज्ञप्तिमा, ‘नेपाली जनताको जीवन रक्षाका लागि चालिएको सरकारको यस कदमलाई साथ दिनु एक राष्ट्रिय व्यवसायिक समूह यती समूहले आफ्नो कर्तव्य ठानेको उल्लेख गरिएको छ।
यती समूहले लकडाउनका कारण व्यवसाय ठप्प भएको, अर्थतन्त्र ओरालो लागेको अवस्थामा पनि व्यवसायभन्दा पनि देश र जनताको पक्षमा उभिएको जानकारी गराउँदै यस्तो सहयोग निरन्तर जारी राख्ने प्रतिबद्धता व्यक्त गरेको छ। महामारी न्यूनीकरण तथा रोकथाम गर्ने महाअभियानमा आफ्नो सहयोग फलदायी हुने यती समूहले विश्वास लिएको उल्लेख गरेकाे छ।
