काठमाडौं । अन्तर्राष्ट्रिय मुद्रा कोष (आईएमएफ) ले नेपाललाई २६ अर्ब रुपैयाँ ऋण सहयोग दिएको छ । आईएमएफले बुधबार २१ करोड ४० लाख अमेरिकी डलर बराबरको सहयोग दिने निर्णय गरेको हो ।
आईएमएफले आपतकालिन वित्तीय सहयोग अन्तर्गत सो रकम दिन लागेको हो । १० वर्षका लागि शुन्य ब्याजदरमा नेपालले सो सहयोग उपयोग गर्न लागेको हो । आईएमएफको सहयोग रकम सरकारले बजेटरी सहायतामार्फत परिचालन गर्ने भएको छ ।
२०७२ सालको भूकम्पमा पनि सरकारले आईएमएफले दिएको सहयोग बजेटरी थियो । आईएमएफले भुक्तानी सन्तुलन र विदेशी मुद्रा सञ्चितीका लागि सहयोग गर्दै आएकोमा यो वर्ष कोरोना भाइरस महामारीले गर्दा बजेटरी सहयोग गर्ने भएको हो । नेपालले आफनो कोटा सबै प्रयोग गर्ने भएको छ ।