काठमाण्डौं। नेपाली राष्ट्रिय क्रिकेट टिमका लेग स्पिनर सन्दीप लामिछानेले खेल्ने क्यारेबियन प्रिमियर लिग सीपीएल टी-ट्वान्टी क्रिकेट आगामी महिनाबाट हुने भएको छ । सरकारले प्रतियोगिता संचालनका लागि अनुमति दिएसगै अगष्ट १८ बाट सुरु हुने मिति पक्का भएको छ ।
कोरोना भाईरसको महामारीको कारण अन्योलमा रहेको यस सिजनको सीपीएल अगष्ट १८ बाट सुरु हुने भएको हो । प्रतियोगिता सेप्टेम्बर २० सम्म हुनेछ । ।
प्रतियोगिता बन्द रंगशालामा हुनेछ । यस्तै खेलाडी र आयोजकले सरकारको गाइडलाइन पालना गर्नु पर्नेछ । जमैका तलावाजबाट खेल्ने सन्दीपलाइ जमैका तलावाजले १ करोड भन्दा बढि मुल्यमा अनुबन्ध गरेको हो । जुन मुल्य सन्दीपको अहिलेसम्म कै सर्वाधिक महँगो मूल्य हो ।