३१ बैशाख, काठमाडौं । सीइडीबी हाइड्रोपावर डेभलपमेन्ट कम्पनीको आइपीओ बाँडफाँड भएको छ । बिक्री प्रबन्धक सनराइज क्यापिटलले आज भर्चुअल माध्यमबाट आइपीओ बाँडफाँड गरेको हो ।
दुई लाख ३४ हजार एक सय ९५ जना आवेदकले गोलाप्रथामार्फत १० कित्ताका दरले शेयर पाएका छन् । यसरी बाँडफाँड गरेपछि बाँकी रहेको चार कित्ता शेयर भने १० कित्ता भन्दा बढी आवेदन दिएका चार जनालाई एक–एक कित्ताका दरले थप गरिएको छ । चार जना लगानीकर्ताले भने ११ कित्ता शेयर पाएका छन् ।
आइपीओमा आवेदन दिएका कुल १६ लाख ८५ हजार छ सय २७ जना योग्य आवेदकलाई गोलाप्रथामा सहभागी गराइएको थियो । चार हजार चार सय ४२ आवेदन भने अयोग्य ठहरिएका थिए ।
कम्पनीले वैशाख १७ गतेबाट २१ गतेसम्म कुल २५ लाख १८ हजार दुई सय ३० कित्ता आइपीओ बिक्री खुला गरेको थियो ।
प्रतिक्रिया
सम्बन्धित समाचार
