रसुवा ३१ बैशाख
जिल्लाको उत्तरगया गाउँपालिका अन्तर्गत श्री निलकण्ठ माध्यमिक बिधालयलाई नेपाल सरकारको मापदण्ड अनुसार नमुना बिधालय बनाउने उदेश्यले पूर्व विद्यार्थी,शिक्षा प्रेमी तथा अभिभावकहरु रकम संकलनमा लागेका छ्न।
बिधालयलाई आवश्यक ४ रोपनी जग्गा खरिदको लागि आर्थिक अभाव भएकोले आफुहरु आर्थिक संकलनमा लागेको पूर्व विद्यार्थी तथा समाजसेवी शशी डंगोलले बताए।
अहिले सम्म १ सय १८ जना पूर्व विद्यार्थी तथा शिक्षाप्रेमीहरुले उक्त अभियानमा सहभागीता जनाईएका छ्न । आवश्यक भौतिक संरचना निर्माणको लागि जग्गा खरिद गर्न ७६ लाख ८ हजार रुपैयाँ लाग्ने शिक्षक तथा समाजसेवी गणेश श्रेष्ठले बताए। विभिन्न व्यक्ति तथा संघ संस्था मार्फत अहिले सम्म २० लाख ९१ हजार ९ सय ६६ रुपैयाँ १५ पैसा रकम संकलन भएको श्रेष्ठले बताए।
अभियानको सबैभन्दा पहिले उत्तरगया गाउँपालिका वडा न।५ स्थायी घर भई हाल बेल्जियम बस्दै आएको मिरा डंगोलले १ लाख १०० रुपैयाँ सहयोग गरि अभियानको शुरूवात भएको श्रेष्ठले बताए।
हाल सम्म सबैभन्दा बढी आर्थिक सहयोग गर्नेमा रसुवा उत्तरगया गाउँपालिका वडा न।२ सिम्ले निवासी लेखनाथ अधिकारीले १ लाख १ हजार १ सय ५५ रुपैयाँ सहयोग गरि नाम कायम गरेका छन।
