२० जेठ, काठमाडौं । पटक पटक स्थगित हुँदै आएको नेकपा(एमाले)को स्थायी कमिटी बैठक आज अपरान्ह ४ बजे बस्दैछ ।
स्थायी कमिटी बैठक आज अपरान्ह ४ बजे बस्ने केन्द्रीय कार्यालय सचिव शेरबहादुर तामाङले जानकारी दिनुभयो ।
।
यसअघि स्थायी कमिटी बैठकले पार्टी एकतालाई बचाउन शिर्ष नेताहरुले अन्तिम समयसम्म प्रयास गर्ने निर्णय गरेको थियो । आजको बैठकमा पार्टी भित्र देखिएको विवाद समाधानका विषयमा छलफल हुने एक स्थायी कमिटी सदस्यले बताउनुभयो।
आजै माधव नेपाल समुहले पनि केन्द्रीय कमिटी बैठक बोलाएको छ । एमालले उक्त बैठकमा सहभागी नहुन निर्देशन जारी गरेको छ ।