२३ जेठ, काठमाडौं । गण्डकी प्रदेश सभा सदस्य कृष्ण थापाले दायर गरेको मुद्दा न्यायाधीश डा. कुमार चुडालको एकल इजलासले हेर्ने भएको छ।

जनमोर्चाले आफ्नो सांसद पद खारेज गर्ने निर्णय गरेपछि उक्त निर्णय बदर गर्न माग गर्दै थापाले सर्वोच्चमा रिट दायर गर्नुभएको थियो ।

थापाले रिट निवेदनमा सांसद पद यथावत राखिपाऊँ भनि माग गर्नुभएको छ । पार्टी निर्देशनविपरीत गण्डकीका मुख्यमन्त्री पृथ्वीसुब्बा गुरुङ नेतृत्वको सरकार जोगाउन लागेपछि उनलाई जनमोर्चाले कारबाही गरेको थियो ।